hend Schdromrad scho 2008 in Schduddgard gründet. Die erschde Kontakt ondranander hemmer ghet uff Veranschdaldonga vo Exdra Energschii. Klar hot sich jeder vo uns scho vorher mit aldernadiver, elekdrischer Mobilidäd b’schäfdigt. Isch au a schbannende Sach!
Ond inzwischa isch aus onser’m Schdromrad City Schopp a absolude Top Adress g’worda. Weil m’r an koine Herschdeller obunda send, kenna m’r flexibel die Rädla raussucha, wo a g’scheide Qualidäd ond en guda Preis hend. Wäga onsera langa Erfahrong mit dera Elekdromobilidäd kenna m’r grendlich berada ond welled au ohbedingt, dass d’Leit die Rädla au ausgiebig teschda. M’r muss halt z’erschd amol druffg’hockt sei. Ond wer a bissle länger druffhocka mechd, der ko sich so a Rädle au mol ausleiha.
Überhaubt lassed mir sie net alloi mit ihr’m Rädle, wenn se’s mol kauft hend. Mir rebariered, baued om ond mached die Diagnosesacha. Wäga d’r Softwäär hald. Ach so, faschd hätt i’s vergessa: Finanzieronga ond Liising bieda m’r fei au oh.
So zeiga m‘r seit a baar Johr, dass d‘ elekdrische Mobilidäd net bloß sauber isch (Naduurschdrom nemma!) ond Geld schbaart, sondern au saumäßig Schbaas macht, grad en Schduddgard, wo m’r ringsrom nix als Buggl hend.
Marcel Plogstedt
Ebbes verkaufen ond Werkschdatt Loidr
Plogstedt? Klingt nach Südschweda, also halt nördlich vo Heilbronn …
Isch wurscht. Er isch jedenfalls a Pfondskerle. Seziert in dr Werkschdatt d’Rädla wie a Pathologe d’Leicha in dene Krimis. Bloß, dass d’Rädla nocher wieder quitschmunter send! Ond beroda kann’r au, hot echt was uff’m Kaschta.
So integrieret mir Migranta aus Südschweda!
E-mail: info [at] stromrad [dot] com
Fon : +49 (0) 711 – 31 953 771
Claus Tscherning
G´schäftsfiehrer, Disain ond Elekdronik
Des isch onser Elekdrotechniker. Der ko sogar en Schdecker in’d Schdeckdos schdecka. Wenn so a fitzelige Elektronik mol nemme will, no muss er dranno. Ja no, er ko’s halt. Ond am Disain von Schdromrad wurschdeld’r au dauernd rom.
E-mail: info [at] stromrad [dot] com
Fon : +49 (0) 711 – 31 953 771
Eberhard Franke
Nomol en G’schäftsfiehrer
D’r Äberhardt macht da finanzielle Kruuschd ond’s Marketing. Do isch’r konsequent: Ohne Rücksicht auf’s oigene Ohsäha kurvd’r mit ma Klapprädle durch d’Schtadt!. Ond onser’m OB, der wo mecht, dass d’Leit zwanzg Prozent vo ihre Arbeitswäg mit’m Rädle mached, zoigt d’r Äberhardt, dass au achzg Prozent meglich send.
E-mail: info [at] stromrad [dot] com
Fon : +49 (0) 711 – 31 953 771
